Bu ilin yanvar-fevral aylarında Azərbaycandan Türkiyəyə 151 873,99 min ABŞ dolları dəyərində 253 528,61 ton bitumlu süxurlardan alınan xam neft və xam neft məhsulları ixrac olunub.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, 2022-ci il ilin eyni göstəricilərini dəyər ifadəsində 2 dəfə (76 184,76 min dollar), həcm baxımından isə 90,8 faiz (120 675,77 ton) üstələyir.

Təkcə cari ilin fevralında bu ölkəyə 101 257,48 min dollar dəyərində 168 765,25 ton xam neft məhsulları ixrac edilib ki, bu da yanvar ayı ilə müqayisədə dəyər ifadəsində 50 640,97 min dollar (2 dəfə), həcm olaraq isə 84 001,89 ton (2 dəfəyədək) çoxdur.