Ukrayna Ali Radasının deputatlarına işğaldan azad edilmiş ərazilərdə həyata keçirilən nəqliyyat infrastrukturu layihələri, o cümlədən Zəngəzur dəhlizi üzrə görülən işlər barədə məlumat verilib.

Rəqəmsal İnkişaf və Nəqliyyat Nazirliyindən “vergiler.az”a verilən məlumata görə, Ukrayna tərəfi ilə əməkdaşlıq məsələləri nazir müavini Rəhman Hümmətovun Azərbaycanda səfərdə olan Ukrayna Ali Radasının deputatları, Ukrayna-Azərbaycan dostluq qrupunun həmsədri Vladimir Kreydenko, dostluq qrupunun üzvləri Anton Şvaçko və Nikolay Qaluşko ilə görüşü zamanı müzakirə olunub.

Görüşdə iki ölkə arasında nəqliyyat infrastrukturu, Orta dəhlizlə yük daşımaları, elektron hökumət və innovasiyalar sahəsində əməkdaşlığın cari vəziyyəti və inkişaf perspektivlərinə də toxunulub.