Naxçıvan Muxtar Respublikasında dövlət satınalan təşkilatları və sahibkarlar dövlət satınalmalarının planlaşdırılması və təşkili metodları, tender təkliflərinin qiymətləndirilməsi, satınalma müqavilələrinin bağlanması üzrə məlumatlandırılır.

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən “vergiler.az”a verilən məlumata görə, bu məqsədlə Naxçıvan Muxtar Respublikasının İqtisadiyyat Nazirliyi ilə birgə 3 günlük təlimlər keçirilir. Təlimlərdə Muxtar Respublikada fəaliyyət göstərən dövlət satınalan təşkilatlarının 100-ə yaxın əməkdaşı iştirak edir.

Tədbirin məqsədi dövlət satınalan təşkilatları tərəfindən “Dövlət satınalmaları haqqında” Qanunun müddəalarına riayət olunması və sahibkarlıq subyektlərinin dövlət satınalmalarında fəal iştirakının təmin edilməsidir. Bu cür tədbirlərin mütəmadi təşkili nəzərdə tutulur.