2022-ci ildə Qazaxıstandan Azərbaycana buğda ixracı 3,7 dəfə (69,9 milyon dollarlıq) artıb.

“vergiler.az” Qazaxıstan mətbuatına istinadən xəbər verir ki, bu rəqəmlər ölkənin Strateji Planlaşdırma və İslahatlar Agentliyinin Milli Statistika Bürosunun hesabatında əks olunub.

Hesabatda 2022-ci ildə Qazaxıstanla Azərbaycan arasında ticarət dövriyyəsinin ümumi həcminin 461,9 milyon ABŞ dolları təşkil etdiyi bildirilir ki, bu da bir il öncəki göstərici ilə müqayisədə 39 faiz (332,2 milyon dollar) çoxdur.

Son bir ildə Qazaxıstandan Azərbaycana ixrac təxminən 30 faiz (375,3 milyon dollar), Azərbaycandan idxal isə 95 faiz artaraq 86,6 milyon dollara çatıb.

Hesabatda həmçinin Azərbaycandan Qazaxıstana şəkər tədarükünün əhəmiyyətli dərəcədə artdığı (147,2 dəfə - 13,6 milyon dollarlıq) qeyd olunur.