Mahaçqala ilə Bakı arasında hava əlaqəsinin bərpası imkanları üzərində iş gedir. “vergiler.az” Dağıstanın rəhbəri Sergey Melikovun saytına istinadən xəbər verir ki, qeyd olunan məsələyə dair müzakirələr Federal Hava Nəqliyyatı Agentliyinin rəhbəri Aleksandr Neradko ilə aparılıb.

Agentliyin rəhbəri hazırkı şəraitdə beynəlxalq uçuşların coğrafiyasının genişləndirilməsinin vacibliyini qeyd edərək, iki ölkənin aviaşirkətləri üçün qarşılıqlı faydalı şərtlərlə Mahaçqaladan Bakıya uçuşların başlanmasına dəstək verməyə hazır olduğunu bildirib.

Tərəflər həmçinin Dağıstandan hava daşımalarının inkişafına yönələn birgə işlərin davam etdirilməsi barədə razılığa gəliblər.