11 Noyabr 2026
SOSİAL-İQTİSADİ ONLAYN QƏZET
Bankların manatla kreditləri artıb

Bankların manatla kreditləri artıb

2019-cu il aprelin 1-nə olan statistikaya əsasən, Azərbaycanda fəaliyyət göstərən bankların balans kapitalı artıb.

Maliyyə Bazarlarına Nəzarət Palatasından verilən məlumatda bildirilir ki, ilk 3 ayda sektorun balans kapitalı 4 milyard 313,7 milyon manat olub. Aprelin 1-nə bankların cəmi aktivləri 29 milyard 84,9 milyon manat, cəmi öhdəlikləri isə 25 milyard 533,2 milyon manat təşkil edib.

Mart ayına sektorun aktivlərinin 42,6 faizini kredit portfeli təşkil edib. Ay ərzində kredit portfeli 0,7 faiz (84,5 milyon manat) artaraq 12 milyard 714,4 milyon manat təşkil edib. Kredit portfeli bu ilin ilk rübündə 0,7 faiz (86,1 milyon manat) artıb. Artım milli valyutada kreditlər üzrə olub. Ay ərzində milli valyutada kreditlər 1,2 faiz (93,2 milyon manat), rüb ərzində isə 2,7 faiz (211,2 milyon manat) artaraq 7 milyon 983 min manata çatıb.

2019-cu ilin mart ayında fiziki şəxslərin əmanətləri 8 milyard 253,5 milyon manat təşkil edib. Mart ayında əmanətlər 1,7 faiz (135 milyon manat) artıb. Ay ərzində fiziki şəxslərin depozit portfelinin artımı müddətli əmanətlər hesabına olub. Mart ayı ərzində fiziki şəxslərin müddətli əmanətləri 2,5 faiz (135,8 milyon manat) artaraq 5 milyard 465,8 milyon manat təşkil edib.

Hüquqi şəxslərin depoziti bu ilin ilk rübündə 0,1 faiz (7 milyon manat) artaraq 10 milyard 318,5 milyon manata çatıb. Artım müddətli depozitlər hesabınadır. Belə ki, dövr ərzində hüquqi şəxslərin müddətli depozitləri 19,2 faiz (278,1 milyon manat) artıb.

Sektorun balans kapitalı mart ayı ərzində 1,7 faiz (70,9 milyon manat) artaraq 4 milyard 313,7 milyon manata çatıb. Bu göstərici 2019-cu ilin ilk rübündə 5,9 faiz (241,9 milyon manat) artıb.

Mart ayında bankların əməliyyat mənfəəti 179,1 milyon manat, xalis mənfəəti isə 123,9 milyon manat təşkil edib. Ötən ilin müvafiq dövrü ilə müqayisədə faiz gəlirləri 12,9 faiz, kreditlər üzrə faiz gəlirləri isə 19,5 faiz artıb.

Fəaliyyət göstərən 30 bankın filiallarının sayı 512, şöbələrinin sayı 129, ATM-lərin sayı 2 min 535 olub. Bank sektorunun işçi heyətinin sayında artım mart ayında da davam edib: işçi sayı 0,4 faiz (66 nəfər) artaraq 17 min 749 nəfər olub.

VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı? VergiÇap məhsullarının pərakəndə satışı ilə məşğul olan şəxslər nə zaman gəlir vergisi ödəyicisi olur? VergiAlternativ enerjinin satışı ilə məşğul olan müəssisədə xərclər necə uçota alınmalıdır? VergiKirayə haqqından vergi necə hesablanır? VergiTelekommunikasiya avadanlıqlarına xidmət göstərənlər sadələşdirilmiş vergi ödəyicisi ola bilərlərmi?