Bu ilin oktyabr ayında Azərbaycandan 7 810.4 min ABŞ dolları dəyərində 6 105.87 ton nar ixrac edilib. "vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu, sentyabr ayı ilə müqayisədə dəyər ifadəsində 6 dəfə, həcm baxımından isə 7,3 dəfədən çoxdur.

Ümumilikdə cari ilin yanvar-oktyabr ayları ərzində ölkədən 11 538.41 min dollar dəyərində 8 478.81 ton nar ixrac olunub ki, bu da 2021-ci il ilin eyni dövrünün göstəricilərindən müvafiq olaraq 36,1 faiz və 35,6 faiz azdır.

Qeyd edək ki, cari ilin ilk 10 ayında narın ümumi ixracda xüsusi çəkisi 0,03 faizə, qeyri-neft məhsullarının ixracında çəkisi isə 0,48 faizə bərabər olub.