“Rusiya üçün prioritet istiqamət “Şimal-Cənub” beynəlxalq nəqliyyat dəhlizinin inkişafıdır ki, bu dəhlizdə Azərbaycan Avrasiya İqtisadi Birliyini İran, Türkiyə və Hindistanla birləşdirən əsas tranzit ölkə kimi mühüm yer tutur”.

“vergiler.az” Rusiya mətbuatına istinadən xəbər verir ki, bunu Bakıda Həştərxan biznes mərkəzində keçirilən dəyirmi masada çıxış edərkən Avrasiya İqtisadi Komissiyasının inteqrasiya və makroiqtisadiyyat naziri Sergey Qlazyev deyib.

Onun sözlərinə görə, Azərbaycan Rusiya üçün ən mühüm tərəfdaşdır və hazırda bu Xəzəryanı dövlətlə sıx iqtisadi və humanitar əlaqələr qurulub.