Bu il bal yarmarkasına çıxarılan 120 tona yaxın arıçılıq məhsulunun təqribən 90 tonu satılıb.

Kənd Təsərrüfatı Nazirliyindən “vergiler.az”a verilən məlumata görə, yarmarkada ümumilikdə 250 arıçı iştirak edib. İlk dəfə olaraq yarmarkaya Qarabağ və Şərqi Zəngəzur iqtisadi rayonları üzrə 5 ton məhsul çıxarılıb.

Qeyd edək ki, yarmarkada iştirak edən hər bir arıçıya satışa maksimum 400 kq bal və 30 ədəd arı şanı (çərçivə) çıxarmaq hüququ verilib.