Bunu “Azərbaycan iqtisadiyyatı” Teleqram kanalına Azərbaycan Milli Elmlər Akademiyasının (AMEA) rezidenti olan “AZCOSMETICS GROUP” MMC-nin direktoru Ulduzə Xanlarova deyib.

Onun sözlərinə görə, hazırda satışla məşğul olsalar da, istehsala başlamağı da planlaşdırırlar: “Demək olar ki, istehsal üçün tələb olunan bütün hazırlıq işləri yekunlaşmaq üzrədir. AMEA-nın Yüksək Texnologiyalar Parkında aparılan tikinti işlərinin 2 aya yekunlaşması gözlənilir”.

U.Xanlarova Azərbaycanda saç boyası istehsal edən ilk şirkət olacaqlarını qeyd edib. O əlavə edib ki, ilkin mərhələdə istehsal edəcəkləri məhsul saç boyası olsa da, daha sonra saça və üzə qulluq vasitələrinin (şampunlar, balzamlar, üz kremləri, sabunlar və s.) istehsalı da nəzərdə tutulur.