29 Noyabr 2022

VERGİLƏR

SOSİAL-İQTİSADİ ONLAYN QƏZET

KOBİA Nyu-Yorkda beynəlxalq KOB gününə həsr olunmuş konfransa qatılıb

27 iyun dünyada mikro, kiçik və orta sahibkarlar günüdür. Bununla bağlı Nyu-Yorkda BMT-nin Baş Qərargahında Kiçik Biznes üzrə Beynəlxalq Şuranın təşkilatçılığı, BMT-nin Ticarət və İnkişaf Konfransının (UNCTAD), Sənayenin İnkişafı Təşkilatının (UNIDO) və digər qurumların dəstəyi ilə “Davamlılıq və yenidənqurma: davamlı inkişaf üçün KOB-lar” mövzusunda konfrans keçirilib. Tədbirdə ölkəmizi Kiçik və Orta Biznesin İnkişafı Agentliyinin (KOBİA) rəhbərliyi təmsil edib.

Agentlikdən bildirilib ki, konfransdakı çıxışında KOBİA-nın İdarə Heyətinin sədri Orxan Məmmədov bütün dünyada olduğu kimi Azərbaycanda da KOB-ların məşğulluğa, iqtisadi artıma və davamlı inkişafa töhfə verdiyini qeyd edib. Vurğulanıb ki, Azərbaycanda sahibkarların 99 faizini KOB-lar təşkil edir. Orxan Məmmədov KOBİA-nın fəaliyyəti, ölkəmizdə KOB-ların dəstəklənməsi üçün həyata keçirilən tədbirlər və dəstək alətləri barədə məlumat verib.

Qeyd edək ki, dayanıqlı inkişaf məqsədlərinə, eləcə də iqtisadiyyatın davamlı inkişafına verdiyi töhfəyə görə BMT Baş Assambleyasının qətnaməsinə əsasən 27 iyun tarixi “Kiçik biznesin böyük təsiri” şüarı ilə 2017-ci ildən etibarən qeyd olunur.

ABŞ-a işgüzar səfər çərçivəsində KOBİA-nın İdarə Heyətinin sədri Orxan Məmmədov ABŞ-ın Alhambra Palatasının həmtəsisçisi və idarəedici partnyoru xanım Anjum Malik ilə görüşüb. BMT-nin Baş Qərargahında təşkil olunmuş görüşdə palata və KOBİA arasında mümkün əməkdaşlığa, KOB-ların dəstəklənməsinə, Azərbaycan və ABŞ-ın biznes dairələri arasında yeni əlaqələrin qurulmasına dair fikir mübadiləsi aparılıb.

KOBİA-nın nümayəndələri səfər çərçivəsində Nyu-Yorkda yerləşən Türk evində olublar. KOBİA-nın İdarə Heyətinin sədri Orxan Məmmədov və Türkiyənin Nyu-Yorkdakı Baş konsulu Reyhan Özgür arasında keçirilmiş görüşdə Azərbaycan və ABŞ-da fəaliyyət göstərən Türkiyə iş adamları arasında əməkdaşlıq imkanlarına, bu sahədə konsulluğun dəstəyinə dair fikir mübadiləsi aparılıb.

Səfər zamanı, həmçinin Orxan Məmmədov Kiçik Biznes üzrə Beynəlxalq Şuranın prezidenti və baş icraçı direktoru Ayman ElTarabişi ilə görüşüb. Görüşdə əməkdaşlıq imkanları, təşkilat çərçivəsində biznes üzrə təlim-tədris proqramlarında KOBİA-nın təcrübəsinin tətbiqi və gələcəkdə təşkilata üzv qurumların iştirakı ilə KOB-ların dəstəklənməsinə həsr olunmuş tədbirlərin birgə təşkili imkanları nəzərdən keçirilib.

VergiƏDV-nin bir hissəsinin qaytarılması üzrə portal istifadəyə verilib Vergiİstehlakçıya kassa çekinin dublikatı verilməlidirmi? İqtisadiyyatHacıqabul Sənaye Məhəlləsində rezidentlərin sayı 13-ə çatıb VergiDVX-nin rəsmi saytında istifadəçilərin rahatlığı üçün yeni bölmələr yaradılır VergiBöyük Britaniya Vergi və Gömrük Administrasiyasının təlimlərinin növbəti mərhələsi başlayıb Vergi“Vergi və hesabatlılıq” işçi qrupunun iclası keçirilib VergiLizinq əməliyyatları üzrə borc ödənişləri hansı formada həyata keçirilir? VergiVergi ödəyiciləri üçün xidmətlərdə yeni rəqəmsal həllər hazırlanır VideoBiznes sahəsindəki menecerlər “Almaniya-Azərbaycan Birgə Proqramı”ndan necə yararlana bilərlər? VİDEO VideoVergi ödəyicisinin digər vergi ödəyicilərinə e-kargüzarlıq vasitəsilə sənəd göndərilməsi qaydalarını əks etdirən videotəlimat VİDEO