28 Mart 2024

VERGİLƏR

SOSİAL-İQTİSADİ ONLAYN QƏZET

Ticarət nümayəndəlikləri ticarət dövriyyəsinin artmasında rolu

Azərbaycanda həyata keçirilən iqtisadi diversifikasiya siyasəti, müasir texnologiyalara əsaslanan və rəqabətqabiliyyətli məhsul istehsal edən müəssisələrin fəaliyyəti ölkənin xarici ticarətində müsbət meyillərə təkan verib. Bu gün dünya bazarına “Made in Azerbaijan” brendi ilə çıxarılan Azərbaycan məhsullarına, xüsusilə də meyvə-tərəvəz, şərab, meyvə şirələri, spirtli içkilərə və sair böyük maraq və tələbat var.

Xarici ölkələrdə ölkəmizin və yerli ixracatçıların iqtisadi-ticarət maraqlarının daha yaxşı qorunması və təmsil edilməsi, yerli məhsulların xarici ölkələrin bazarlarına çıxışının genişləndirilməsi, ixracın stimullaşdırılması ilə bağlı tədbirlərin tətbiqində səmərəliliyin və təsərrüfat subyektləri arasında işgüzar əlaqələrin qurulmasında çevikliyin artırılması məqsədilə Azərbaycanın ticarət nümayəndələri fəaliyyət göstərir. Bu nümayəndəliklər Azərbaycan şirkətlərinin daha çox maraq göstərdikləri, böyük idxal potensialı olan ölkələrdə yaradılır.

Ticarət nümayəndələrinə Azərbaycanın həmin ölkələrdəki səfirliyinin əməkdaşının malik olduğu status verilir.

Azərbaycanın ilk ticarət nümayəndəsi Rusiyada təyin olunub. Hazırda Rusiya, Çin, Birləşmiş Ərəb Əmirlikləri və Mərkəzi Avropa ölkələri üzrə Azərbaycanın ticarət nümayəndələri fəaliyyət göstərir. Bu ilin yayında isə İsrailin Təl-Əviv şəhərində də Azərbaycanın Ticarət Nümayəndəliyi açılıb.

Hazırda ticarət nümayəndəlikləri ticarət-iqtisadi əməkdaşlığın inkişafı, “Made in Azerbaijan” brendinin və Azərbaycanın investisiya mühitinin təşviqi, ölkəmizin qeyri-neft ixracının artırılması imkanlarının genişləndirilməsi istiqamətində fəaliyyətlərini davam etdirir və ölkəmizin xarici ticarət dövriyyəsinin artmasına töhfə verir.

Qeyd edək ki, ölkəmizin 2021-ci ilin yanvar-noyabr aylarında xarici ticarət dövriyyəsi 30,2 milyard ABŞ dolları, o cümlədən ixracın dəyəri 19,8 milyard dollar, idxalın dəyəri 10,4 milyard dollar təşkil edib, nəticədə 9,4 milyard dollarlıq müsbət ticarət saldosu yaranıb. 2020-ci ilin yanvar-noyabr ayları ilə müqayisədə xarici ticarət dövriyyəsi 32,9 faiz artıb.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb