26 Fevral 2024

VERGİLƏR

SOSİAL-İQTİSADİ ONLAYN QƏZET

Azərbaycan və Türkiyə iqtisadi təhlillərin hazırlanması sahəsində əməkdaşlığın inkişafını müzakirə edib

Türkiyənin Azərbaycandakı səfirliyinin təşkilatçılığı ilə İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı və Türkiyə Cümhuriyyətinin Cumhurbaşqanlığının Strategiya və Büdcə Departamentinin İSEDAK ve Uluslararası Kalkınma İşbirliği Genel Müdürü Fatih Ünlü arasında onlayn formatda görüş keçirilib.

Mərkəzdən bildirilib ki, görüşdə İİTKM-in fəaliyyəti, xüsusilə dövlət sektorunda strateji idarəetmə və planlaşdırma, dövlət proqramlarının monitorinq və qiymətləndirilməsi, iqtisadi təhlil və tədqiqatların hazırlanması sahələrində qarşılıqlı əməkdaşlığın inkişaf etdirilməsi yolları əsas müzakirə mövzuları kimi qeyd edilib.

Vüsal Qasımlı Strateji Yol Xəritələrinin həyata keçirilməsi, yeni sosial-iqtisadi inkişaf strategiyası, Azərbaycanın işğaldan azad edilmiş ərazilərinin bərpası və dayanıqlı inkişafı Dövlət Proqramının və Rəqəmsal Transformasiya Konsepsiyasının hazırlanması barədə məlumat verib.

Fatih Ünlü bu sahələrdə Türkiyənin təcrübəsini bölüşərək gələcəkdə İİTKM-in maraq dairəsində olduğu sistemlərin fəaliyyəti ilə bağlı təcrübə mübadiləsinin faydalı olacağını bildirib.

Görüşdə Türkiyə Cümhuriyyətinin Cumhurbaşqanlığının Strategiya və Büdcə Departamentinin İkili əməkdaşlıq Dairə rəhbəri Mustafa Şimşək, İİTKM-in icraçı direktorunun müavini Ramil Hüseyn və hər iki tərəfdən digər rəhbər şəxslər də iştirak edib və qarşılıqlı maraq kəsb edən sahələrdə mümkün əməkdaşlıq imkanları müzakirə olunub, gələcəkdə birgə fəaliyyət planları üzrə razılaşmalar əldə edilib.

İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb Vergiİstehlakçılara 154,2 milyon manat ƏDV məbləği geri qaytarılıb VergiHansı vergi ödəyiciləri işğaldan azad edilmiş ərazinin rezidenti sayılmır?