21 May 2024

VERGİLƏR

SOSİAL-İQTİSADİ ONLAYN QƏZET

Vahid Novruzov: Elektron xidmətlərin inkişafı və korrupsiyaya qarşı mübarizə dövlət siyasətinin prioritet istiqamətlərindəndir

Dekabrın 17-də Azərbaycan Respublikasının Baş Prokuroru yanında Korrupsiyaya qarşı Mübarizə Baş İdarəsi və Auditorlar Palatasının birgə təşkilatçılığı ilə “Özəl sektorda anti-korrupsiya standartları” mövzusunda onlayn seminar-müşavirə keçirilib.

Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinin rəisi Nazim Rəcəbov və Auditorlar Palatasının sədri, professor Vahid Novruzov tədbirin əhəmiyyətindən danışıblar.

Vahid Novruzov qeyd edib ki, ulu öndər Heydər Əliyev tərəfindən başlanılan və dövlətimizin başçısı İlham Əliyevin rəhbərliyi ilə uğurla davam etdirilən sahibkarlığın inkişafı və sahibkarların fəaliyyətinə hər hansı bir formada müdaxilənin qarşısının alınması sahəsində görülən tədbirlər sahibkarlığın inkişafına süni maneələri aradan qaldırmaqla iqtisadi islahatların yeni mərhələsinə təkan verib, kölgə iqtisadiyyatı və korrupsiyaya qarşı mübarizə üçün zəmin yaradıb. Dövlət idarəçilik sistemində şəffaflığın gücləndirilməsi, elektron xidmətlərin inkişafı və korrupsiyaya qarşı mübarizə dövlət siyasətinin prioritet istiqamətlərindəndir. Bununla yanaşı, ölkəmizdə korrupsiyaya qarşı mübarizənin uğurla aparılması üçün möhkəm siyasi iradə mövcuddur. Həyata keçirilən institusional və qanunvericilik islahatları, elektron hökumət infrastrukturu, vətəndaş cəmiyyəti ilə sıx əməkdaşlıq, ictimai nəzarətin gücləndirilməsi və geniş maarifləndirmə tədbirləri antikorrupsiya siyasətinin müsbət nəticələrindəndir. Ölkəmizdə maliyyə şəffaflığının əsas təminatçılarından olan müstəqil audit də bu sahədə mühüm rol oynamaqdadır. Auditorlar Palatası cinayət yolu ilə əldə olunmuş əmlakın leqallaşdırılmasına və korrupsiyaya qarşı mübarizədə öz tərəfdaşları ilə, o cümlədən Baş prokuror yanında Korrupsiyaya qarşı Mübarizə Baş İdarəsi ilə məhsuldar əməkdaşlıq edir.

Seminar-müşavirədə “Özəl sektorda anti-korrupsiya standartları”, “Özəl sektorda audit yoxlamaları zamanı korrupsiya və dələduzluq hallarının aşkar olunmasının metod və üsulları”, “Korrupsiya və iqtisadi fəaliyyət sahəsində baş verən cinayətlərin qarşısının alınması üçün qabaqlayıcı tədbir kimi risklərinin müəyyən edilməsi, təhlili və qiymətləndirilməsində auditin əhəmiyyəti”, “Auditorlar Palatası tərəfindən korrupsiyaya qarşı mübarizə məqsədilə hazırlanmış normativ-metodiki vasitələr və onların tətbiqi təcrübəsi”, “Korrupsiyaya qarşı mübarizə sahəsində audit yoxlamalarının əhəmiyyəti”, “Korrupsiyaya qarşı mübarizədə Beynəlxalq Audit Standartlarının rolu”, “Korrupsiya cinayətlərinin istintaqında audit yoxlamalarının əhəmiyyəti və meydana çıxan problemlər”, “Səlahiyyətli dövlət orqanlarının sifarişi əsasında aparılan audit təcrübəsi”, “Korrupsiyaya qarşı mübarizə sahəsində hüquq-mühafizə orqanlarının qarşılıqlı əlaqəsi”, “Auditor sübutu və onlardan səlahiyyətli dövlət orqanlarının araşdırmalarında istifadə olunması” mövzularında məruzələr dinlənilib.

VergiPərakəndə satış təşkil edən sahibkar kassa aparatı quraşdırmalıdırmı? VergiHüquqi şəxsin ünvan dəyişikliyi VergiƏfqanıstan müharibəsi veteranının həyat yoldaşına vergi güzəşti tətbiq olunurmu? Vergiİpoteka ilə alınan daşınmaz əmlaka görə ƏDV-nin geri qaytarılması VergiRepetitorluq xidməti göstərən fiziki şəxs vergi uçotuna necə alınır? VergiXarici ölkədə ödənilmiş vergilər Azərbaycanda nəzərə alınırmı? VergiFiziki şəxsin vergi orqanında uçota alınması vaxtı VergiQeyri-sahibkarlıq fəaliyyətindən əldə edilmiş gəlirlər hansılardır? VergiHansı halda xaricdə əldə olunan gəlirlərə görə vergi öhdəliyi yaranmır? VergiXarici ölkədə gəlir əldə edən şəxs VÖEN almalıdırmı?