22 Noyabr 2026
SOSİAL-İQTİSADİ ONLAYN QƏZET
Zəngəzur dəhlizinin açılması Böyük İpək yoluna töhfə olacaq

Zəngəzur dəhlizinin açılması Böyük İpək yoluna töhfə olacaq

Əlcəzairin “Əl Hivar” qəzetində Azərbaycanın bu ölkədəki müvəqqəti işlər vəkili Rəfail Bağırovun Zəngəzur dəhlizinin beynəlxalq əhəmiyyəti barədə məqaləsi dərc edilib.

AZƏRTAC xəbər verir ki, məqalədə ulu öndər Heydər Əliyevin təşəbbüsü ilə 1998-ci ildə Bakıda tarixi İpək yolunun dirçəldilməsinə həsr olunmuş beynəlxalq konfransın keçirildiyi, TRASEKA beynəlxalq nəqliyyat proqramının və Bakı Bəyannaməsinin təsdiq edildiyi diqqətə çatdırılıb. Bundan sonra, 2001-ci il fevralın 21-də Azərbaycan paytaxtında TRASEKA Hökumətlərarası Daimi Komissiyanın Katibliyi fəaliyyətə başlayıb. Bundan başqa, ölkəmiz Çinin “Bir kəmər, bir yol” təşəbbüsünə də qoşulub və onun fəal iştirakçısıdır.

R.Bağırov yazır ki, ötən il Azərbaycan ərazilərinin işğaldan azad edilməsi nəticəsində yeni nəqliyyat dəhlizlərinin açılması reallığa çevrilib. Türkiyə ilə Azərbaycan arasında birbaşa quru yolunu təmin edəcək Zəngəzur dəhlizi, eyni zamanda, İpək yolunun inkişafına töhfə olacaq. Bu mühüm marşrut, həm də vaxtilə Zəngəzur mahalının qanunsuz olaraq Ermənistana verilməsi nəticəsində Naxçıvanın blokadasına da qon qoyacaq. Dəhliz, həmçinin Türkiyə və Rusiyanı Azərbaycan ərazisi vasitəsilə birləşdirəcək.

Məqalədə qeyd olunub ki, Zəngəzur dəhlizinin əhəmiyyəti bu yaxınlarda keçirilmiş Türk Şurası ölkələrinin VIII Zirvə Toplantısında da vurğulanıb. Azərbaycan Prezidenti İlham Əliyev bu nəqliyyat dəhlizinin bütün türk dünyası üçün iqtisadi önəmindən ətraflı bəhs edib.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?