18 May 2022

VERGİLƏR

SOSİAL-İQTİSADİ ONLAYN QƏZET

Mikayıl Cabbarov: Tarixi Qələbəmiz yeni regional əməkdaşlıq imkanları yaradır

Bir il əvvəl Müzəffər Ali Baş Komandan İlham Əliyevin rəhbərliyi ilə Azərbaycan Ordusu torpaqlarımızı işğaldan azad etdi. Qırx dörd günlük Vətən müharibəsində qazandığımız Zəfər böyük tarixi və siyasi məzmuna, eyni zamanda, türk dünyası və ölkəmizin yerləşdiyi region üçün mühüm əhəmiyyətə malikdir. Hər zaman olduğu kimi, haqq savaşımız dövründə də qardaş Türkiyə və Türk Şurasının Azərbaycana böyük siyasi və mənəvi dəstək göstərdiyinin şahidi olduq. Tarixi Qələbə ölkəmiz və regionun inkişafı üçün yeni reallıqlar, yeni regional əməkdaşlıq imkanları yaradır. Hazırda işğaldan azad edilmiş ərazilərimizdə sürətli bərpa-quruculuq işləri aparılır. Azad edilmiş ərazilərimizin bərpasına türkdilli dövlətlərin şirkətlərinin böyük marağı və bu şərəfli işdə Azərbaycanın yanında olmaq istəyi ölkəmiz tərəfindən yüksək qiymətləndirilir. İnanırıq ki, azad edilmiş ərazilərimizin bərpası layihələrində və təşəbbüslərin həyata keçirilməsində birgə iştirak ümumi gücümüzü artırmaqla yanaşı, regional tərəfdaşlığı və stabilliyi daha da gücləndirəcək.

Bu fikirləri iqtisadiyyat naziri Mikayıl Cabbarov İstanbulda keçirilən “Türkiyə-Türk Dövlətləri: İqtisadiyyat və Ticarət Konfransı”nın açılış mərasimində deyib.

Konfransın ortaq mədəni və dini dəyərləri olan türkdilli dövlətlər arasında həm ikitərəfli, həm də çoxtərəfli əsasda bərabər və qarşılıqlı faydalı münasibətlərin təşviqi baxımından böyük önəm daşıdığını bildirən nazir türkdilli dövlətlər tərəfindən gələcəyə ümumi baxış konsepsiyasının müəyyənləşdirildiyini söyləyib: “Hesab edirəm ki, aparılacaq müzakirələr qlobal çağırışlar və trendlər şəraitində türkdilli dövlətlər arasında iqtisadi əlaqələrin genişləndirilməsi, ticarət, nəqliyyat-tranzit, investisiya istiqamətləri ilə yanaşı, “yaşıl” və sirkulyar iqtisadiyyat, ”yaşıl enerji”, iqlim dəyişikliyinin qarşısının alınması üçün tədbirlər, rəqəmsallaşma və müasir dövrün tələblərinə cavab verən insan resurslarının formalaşdırılması üzrə tərəfdaşlığın inkişafı baxımından faydalı olacaq”.

İqtisadiyyatAvropa İttifaqı-Azərbaycan biznes forumu keçirilib VergiDövlət Vergi Xidmətinin rəisi “Uğur yolu” Karyera İnkişaf Proqramının qalibi ilə görüşüb İqtisadiyyatMikayıl Cabbarov Səngəçal terminalına səfər edib MüsahibələrVasif Eyvazzadə: Azərbaycanda yaradıcı iqtisadiyyatın inkişafı üçün böyük potensial var MÜSAHİBƏ VergiDövlət Vergi Xidmətinin rəisi AHK İmpuls tədbirinin qonağı olub İqtisadiyyatKİV nümayəndələri 195-1 Çağrı Mərkəzi ilə tanış olublar REPORTAJ VergiVergi daxilolmalarının 68,1 faizi qeyri-neft-qaz sektorunun payına düşüb İqtisadiyyatƏmlak Xidmətləri Məkanında bir gün FOTOREPORTAJ İqtisadiyyatİstedadlarla karyera yolları arasında körpü MüsahibələrMehdi Babayev: Şəffaflıq istiqamətində vergi tətbiqləri vergi ödəmə mədəniyyətini formalaşdırıb MÜSAHİBƏ