Cari ilin II rübündə tikinti-quraşdırma işlərində istehsalçı qiymət indeksləri ötən ilin I rübü ilə müqayisədə 100,8 faiz, o cümlədən yerüstü tikililər üzrə 100,8 faiz, yol və körpü tikintisi üzrə isə 100,6 faiz təşkil edib.

Dövlət Statistika Komitəsindən verilən məlumata əsasən, həmin dövr ərzində yaşayış evləri üzrə qiymət indeksi 100,7 faiz, sosial təyinatlı binalar üzrə qiymət indeksi 101 faiz, inzibati tikililər üzrə qiymət indeksi 100,9 faiz, ümumtəhsil məktəbləri üzrə qiymət indeksi 101 faiz, istehsal təyinatlı obyektlər üzrə qiymət indeksi 100,6 faiz, sənaye obyektləri üzrə isə qiymət indeksi 100,6 faiz olub.