1 Oktyabr 2022

VERGİLƏR

SOSİAL-İQTİSADİ ONLAYN QƏZET

Laçın aeroportu Azərbaycan məhsullarının dünya bazarına çıxarılması baxımından əhəmiyyətlidir

Prezident İlham Əliyev və birinci xanım Mehriban Əliyevanın Kəlbəcər və Laçına səfəri strateji, həmçinin iqtisadi əhəmiyyət daşıyır. Dövlətimizin başçısı Kəlbəcər və Laçında olan zaman bir sıra mühüm strateji infrastruktur layihələrinin əsasını qoydu. Təbii ki, bu layihələr arasından Laçında beynəlxalq hava limanının inşaatı, eləcə də Kəlbəcər və Laçında nəqliyyat infrastrukturunun inkişafına xidmət edən yeni yolların çəkilməsi xüsusi ilə qeyd olunmalıdır.

Bu sözləri Milli Məclisin deputatı Vüqar Bayramov açıqlamasında deyib.

O bildirib ki, Laçında inşa ediləcək beynəlxalq hava limanı Azərbaycan və eləcə də, işğaldan azad olunmuş ərazilərimiz üçün mühüm əhəmiyyət daşıyır. Çünki bu liman beynəlxalq statusda olacaq və imkan yaradacaq ki, turistlər həmin ərazilərə səfər etsinlər.

“Bütövlükdə Şərqi Zəngəzur dəhlizinin kifayət qədər böyük iqtisadi potensialı var və bu, qeyri-neft sektorunda yeni məhsulların istehsalına imkan verəcək. Şərqi Zəngəzur iqtisadi rayonunun potensialından istifadə etmək üçün, həmçinin sənaye və kənd təsərrüfatı məhsullarının daha böyük bazarlara və dünya bazarına çıxarılması baxımından yeni aeroportun inşa edilməsi, istifadəyə verilməsi çox vacibdir”, - deyə V.Bayramov vurğulayıb.

Kəlbəcərin turizm potensialından danışan deputat qeyd edib ki, yol infrastrukturunun qurulması ilə rayonun bu sahədə imkanları daha da artacaq: “Ümumiyyətlə, Kəlbəcər Cənubi Qafqazda fasiləsiz turizm xidməti təklif edəcək az saylı bölgələrdən biridir. Burada yay, qış, tarixi, mədəni, sağlamlıq turizmi xidmətləri və imkanları var. Yol infrastrukturunun formalaşması daxili turizmin və gəlmə turizmin inkişafına təkan verəcək. İşğaldan azad edilmiş ərazilərdə yeni infrastruktur layihələri bölgənin və Azərbaycan iqtisadiyyatının inkişafına təkan verəcək. Növbəti dövrdə işğaldan azad olunmuş ərazilərimiz Azərbaycan iqtisadiyyatının inkişafında yeni drayverə çevriləcək”.

VergiƏmlakın kirayəyə verilməsi hansı vergi öhdəliyi yaradır? VergiVergi islahatları biznes və investisiya mühitinin təkmilləşdirilməsinə təkan verir VergiVergi sahəsində beynəlxalq əməkdaşlıq genişləndirilir Rəsmi2023-cü il Azərbaycanda “Heydər Əliyev İli” elan edilib VergiNağdsız ödənişin kassa çekində nağd kimi göstərilməsi qanun pozuntusu sayılırmı? MüsahibələrEngin Özer: “Avropa Birliyinin Azərbaycan qazına böyük tələbatı var” MÜSAHİBƏ VideoÖlkədən getmək hüququnun müvəqqəti məhdudlaşdırılması barədə məlumatın verilməsi Video İqtisadiyyatÇörəyin çəkisinə nəzarət məqsədilə mütəmadi monitorinqlər aparılır VergiVergi nəzarəti müasir çağırışlara uyğun həyata keçirilir VergiSosial sığorta ödəmələri artıb