9 Noyabr 2026
SOSİAL-İQTİSADİ ONLAYN QƏZET
Aİ ilə əlaqələrin genişləndirilməsi barədə müzakirələr aparılıb

Aİ ilə əlaqələrin genişləndirilməsi barədə müzakirələr aparılıb

İqtisadiyyat naziri Mikayıl Cabbarov və Energetika naziri Pərviz Şahbazov Avropa İttifaqının Qonşuluq və Genişlənmə üzrə komissarı Oliver Varhelyi ilə görüşüblər.

Mikayıl Cabbarov ölkəmizin Avropa İttifaqı (Aİ) ilə əməkdaşlığa böyük önəm verdiyini, aparılan danışıqların xüsusi rolunu vurğulayıb. Qeyd edilib ki, Azərbaycan iqtisadiyyatının genişləndirilməsi və şaxələndirilməsində beynəlxalq təcrübənin tətbiqi baxımından Aİ ilə əməkdaşlıq önəmlidir. Aİ Azərbaycanın əsas ticarət tərəfdaşlarındandır. 2020-ci ildə Azərbaycanın Aİ ölkələri ilə ticarət dövriyyəsi 9,33 milyard ABŞ dolları olmaqla ölkəmizin xarici ticarətində payı 38% təşkil edib. 2012-ci ildən indiyədək Aİ ölkələrinin Azərbaycana yatırdığı investisiya 21,5 milyard dollardan çoxdur.

İqtisadiyyat naziri hazırda işğaldan azad olunmuş ərazilərimizdə infrastruktur və tikinti layihələrinin həyata keçirilməsinin əsas vəzifələrdən olduğunu, yeni reallıqların investisiya qoyuluşu üçün geniş imkanlar yaratdığını bildirib, Aİ-yə üzv olan ölkələri layihələrdə fəal iştiraka dəvət edib.

Görüşdə Energetika naziri Pərviz Şahbazov Aİ ilə enerji tərəfdaşlığı, reallaşdırılan regional əhəmiyyətli layihələr barədə məlumat verib, Azərbaycanın Avropanın enerji təhlükəsizliyində rolunu vurğulayıb, “yaşıl enerji” sahəsində əməkdaşlıq imkanlarını qeyd edib.

Avropa İttifaqının Qonşuluq və Genişlənmə üzrə komissarı Oliver Varhelyi Aİ-nin ölkəmizlə bir sıra sahələr üzrə səmərəli əməkdaşlığını diqqətə çatdırıb, tərəfdaşlığın gücləndirilməsi istiqamətləri barədə fikirlərini bölüşüb.

Tərəflər işğaldan azad olunmuş ərazilərimizin bərpasında əməkdaşlıq, kiçik və orta biznesin inkişafı, Aİ tərəfindən təklif edilən maliyyə alətləri və investisiyalar üçün prioritet sahələr barədə fikir mübadiləsi apariblar.

Görüşdə ölkəmizin Belçika Krallığında səfiri, Avropa İttifaqı yanında Nümayəndəliyinin rəhbəri Fuad İsgəndərov və Avropa İttifaqının Azərbaycandakı Nümayəndəliyinin rəhbəri Kestutis Yankauskas iştirak ediblər.

Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı? VergiÇap məhsullarının pərakəndə satışı ilə məşğul olan şəxslər nə zaman gəlir vergisi ödəyicisi olur? VergiAlternativ enerjinin satışı ilə məşğul olan müəssisədə xərclər necə uçota alınmalıdır? VergiKirayə haqqından vergi necə hesablanır? VergiTelekommunikasiya avadanlıqlarına xidmət göstərənlər sadələşdirilmiş vergi ödəyicisi ola bilərlərmi? VergiVergi ödəyicisi nə vaxtadək dövriyyədən 2 faiz ödəməklə sadələşdirilmiş vergi rejimini tətbiq edə bilər?