16 May 2021

VERGİLƏR

SOSİAL-İQTİSADİ ONLAYN QƏZET

Maliyyə Nazirliyinin dövlət istiqrazların yerləşdirilməsi üzrə hərrac keçirilib

Fevralın 23-də Bakı Fond Birjasında (BFB) Maliyyə Nazirliyinin AZ0106006882 ISIN kodlu, tədavül müddəti 1092 gün olan dövlət istiqrazlarının yerləşdirilməsi üzrə hərrac keçirilib.

Maliyyə Nazirliyindən bildirilib ki, həmin dövlət istiqrazları üzrə investorlar tərəfindən təqdim edilən sifarişlərin nominal ümumi məbləği 75,9 milyon manat təşkil edib.

Nazirlik tərəfindən 30 milyon manat məbləğində dövlət istiqrazların rəqabətli sifarişlər üzrə orta ölçülmüş qiyməti 97,4842 (gəlirlilik 8,4671 faiz) səviyyəsində müəyyən edilib. İstiqrazlar 2024-cü il fevralın 20-də ödəniləcək.