14 Noyabr 2026
SOSİAL-İQTİSADİ ONLAYN QƏZET
Mikayıl Cabbarov: “Prioritet sahələr üzrə təşviqedici vergi siyasətinə üstünlük verilməlidir”

Mikayıl Cabbarov: “Prioritet sahələr üzrə təşviqedici vergi siyasətinə üstünlük verilməlidir”

Uzunmüddətli dövrdə dayanıqlı iqtisadi artıma və rifaha nail olunması üçün bir sıra addımların atılması nəzərdə tutulub.

“Postpandemiya dövründə vergi sistemi” konfransında çıxış edən iqtisadiyyat naziri Mikayıl Cabbarov vurğulayıb ki, hökumətin hədəfində ilk növbədə iqtisadi fəallığın bərpa edilməsidir:

“Çalışacağıq ki, postpandemiya dövründə, qısa müddət ərzində sahibkarlıq subyektlərinin iqtisadi aktivliyi, gəlirlərin ilkin səviyəsi və istehlak fəallığı bərpa edilsin. Bu addımlar, həmçinin, yeni iş yerlərinin yaradılmasına təkan verməlidir. İkinci mühüm məqam biznesin və özəl investisiyaların canlandırılmasına, qeyri-neft-qaz sektorunun sürətli artımına nail olmaqdır. Bu sahədə qeyri-neft məhsullarının istehsalının daha da stimullaşdırılması, özəl investisiya qoyuluşunun təşviq edilməsi əsas prioritetlərdən olacaq.

Üçüncü, biznes mühiti daha da yaxşılaşdırılacaq. Xüsusilə orta sahibkarların imkanları daha da genişlənməli, belə demək olarsa, onların əl-qolu tam şəkildə açılmalıdır. Kiçik və orta biznesin ÜDM-in formalaşmasında dominant mövqeyinə nail olunması nəzərdə tutulur. KOB-ların dövlət satınalmalarında iştirakı təşviq edilməli, onlar dövlət sifarişlərinə daha çox cəlb edilməlidir. Haqsız rəqabətə yol açan hallara son qoyulmalıdır. Bunun üçün institutsional islahatlar və yeni qanunvericilik təşəbbüsləri həyata keçiriləcək.

Sahibkarların maliyyələşməyə çıxış imkanları genişləndirilməlidir. Biznesin təşviqi alətlərinə yenidən baxmağa hazırlaşırıq. Dövlətin yanaşması belədir ki, təşviq mexanizmlərinin iqtisadi səmərəsi artırılmalı, priroritet sahələr üzrə təşviqedici vergi siyasətinə üstünlük verilməlidir.

Qarşıdakı dövrdə yeni özəlləşmə proqramının həyata keçirilməsini nəzərdə tuturuq. Birbaşa xarici investisiyaların təşviqi mexanizmi təkmilləşdirilməli, eyni zamanda, dövlət investisiya proqramları dövlət-özəl sektor tərəfdaşlığı çərçivəsində genişlənməlidir”.

VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı? VergiÇap məhsullarının pərakəndə satışı ilə məşğul olan şəxslər nə zaman gəlir vergisi ödəyicisi olur? VergiAlternativ enerjinin satışı ilə məşğul olan müəssisədə xərclər necə uçota alınmalıdır? VergiKirayə haqqından vergi necə hesablanır?