Keçən il Azərbaycan sahibkarlarının iştirak etdiyi sərgilərdə 14 milyon 882 min manat dəyərində müqavilələr imzalanıb.

Bu barədə Azərbaycanda İxracın və İnvestisiyaların Təşviqi Fondunun (AZPROMO) rəhbəri vəzifələrini icra edən Yusif Abdullayev yanvarın 27-də ötən ilin nəticələri və qarşıda duran vəzifələrə həsr olunmuş mətbuat konfransında deyib.

Y.Abdullayev qeyd edib ki, bu müqavilələrin hesabına həyata keçirilmiş ixracın dəyəri 10 milyon manatdan çox olub. 2020-ci ildə 33 ixrac missiyası və 33 beynəlxalq sərgi keçirilib.