7 Avqust 2022

VERGİLƏR

SOSİAL-İQTİSADİ ONLAYN QƏZET

Konsepsiya işğaldan azad olunan ərazilərin tarazlı inkişafına zəmin yaradır

Prezident İlham Əliyevin tapşırığı ilə aidiyyəti qurumlar, o cümlədən İqtisadiyyat Nazirliyi tərəfindən işğaldan azad olunan ərazilərin bərpası ilə bağlı sosial-iqtisadi konsepsiya hazırlanıb.

İqtisadçı ekspert Elşad Məmmədov qeyd edib ki, işğaldan azad olunan ərazilərin inkişaf konsepsiyası həm sosial, həm iqtisadi inkişafı təmin edəcək. Strateji planlaşdırmaya əsaslanan konsepsiya işğaldan azad olunan ərazilərlə yanaşı, bütövlükdə Azərbaycanın tarazlı inkişafına zəmin yaradacaq.

“Sosial-iqtisadi inkişafın təmin edilməsinə yönəlik konsepsiyada zəruri məqam iqtisadi idarəetmə ilə bağlı bütün komponentlərin öz əksini tapmasıdır. Yəni investisiya resurslarının işğaldan azad olunan ərazilərə intensiv şəkildə istiqamətlənməsi ilə yanaşı, əmək resurslarının cəmləşməsi, intellektual potensialın və real istehsal proseslərinin bölgədə proporsional şəkildə yerləşdirilməsi kimi məsələlər diqqət mərkəzində olacaq”, - ekspert vurğulayıb.

Qeyd edək ki, “Azərbaycan Respublikasının 2021-ci il dövlət büdcəsi haqqında” Qanun layihəsində işğaldan azad olunan ərazilərə böyük qayıdışın təmin edilməsi üçün şəhər və kəndlərin bərpası və yenidən qurulması, həmin ərazilərdə müasir infrastrukturların yaradılması məqsədilə 2021-ci ilin dövlət büdcəsindən 2,2 milyard manat vəsaitin ayrılması nəzərdə tutulub. Buraya elektrik enerjisi, təbii qaz, su, rabitə, yol, təhsil, səhiyyə, mədəniyyət, mənzil-kommunal və digər zəruri infrastrukturların və mədəni-tarixi abidələrin bərpası və yenidən qurulması, yaşayış evlərinin tikintisi və sairdaxildir.

E.Məmmədovun fikrincə, bu tendensiya növbəti illərdə də davam etdiriləcək: “Düşünürəm ki, işğaldan azad edilən ərazilərdə bütövlükdə dövlət kapital qoyuluşlarının həcmi kifayət qədər iri rəqəmlər təşkil edəcək. Bu ərazilərin iqtisadi və sosial inkişafı üçün dövlət kapital qoyuluşlarının artımı zəruridir. Bununla yanaşı, oraya özəl investisiyalar da cəlb olunmalıdır. Özəl kapital qoyuluşlarının düzgün istiqamətləndirilməsi və iqtisadi inkişafa təkan verməsi üçün dövlətin iqtisadi idarəetmə siyasəti, şübhəsiz ki, adekvat olmalıdır”.

Bazar iqtisadiyyatı şəraitində iqtisadi fəallığın təminedilməsi üçün özəl investisiyalara üstünlük verilməsini prioritet sayan E.Məmmədov bunun üçün pul-kredit siyasətində investisiya axınlarının artımını stimullaşdırmağın zəruriliyini vurğulayıb.

Fərqanə Allahverdiqızı

Ekspert RəyiCari vergiləri hesablayarkən nələrə diqqət yetirilməlidir? Ekspert RəyiVergi mükəlləfiyyətinin dəyişdirilməsi zamanı qarşıya çıxan məsələlər VergiƏsas vəsaitlərin təmirinə çəkilən xərclər hansı qaydada gəlirdən çıxıla bilər? Ekspert RəyiFiziki şəxslərin əməkhaqqından gəlir vergisinin tutulması İqtisadiyyatSahibkarlığa dövlət dəstəyi davam etdirilir VergiVergi islahatları sağlam və rəqabətli biznes mühitinə dəstək verir VergiVergi islahatları: şəffaflıq, dürüstlük, hesabatlılıq VergiSəmərəli vergi siyasəti vergi daxilolmalarının artımına zəmin yaradır VergiƏmlakı icarəyə verən hüquqi şəxsin hansı vergi öhdəlikləri yaranır? İqtisadiyyatAzərbaycan sulfat turşusu və şüşə taralar ixrac edəcək