“2023-cü ildə Dövlət Vergi Xidmətinə vətəndaşlar və vergi ödəyiciləri tərəfindən ümumilikdə 337 min müraciət daxil olub”.

Bunu İqtisadiyyat Nazirliyi yanında Dövlət Vergi Xidmətinin Baş idarə rəisi Zeynalabdin Məmmədzadə “Vergi sistemi yeni inkişaf dövründə: davamlı iqtisadiyyat üçün strateji hədəflər” mövzusunda keçirilən Forumda deyib.

Onun sözlərinə görə, bu müraciətlərin 93,1 faizini ərizə, 6,8 faizini şikayət təşkil edib. Müraciətlərin 93 faizini ərizələrin təşkil etməsinin əsas səbəbi son dövrlərdə vergi qanunvericiliyində bir sıra dəyişikliklər edilməsidir.