Bu ilin yanvar-may aylarında Azərbaycandan Portuqaliyaya 310,3 milyon ABŞ dolları dəyərində 576 min tondan çox bitumlu süxurlardan alınan xam neft və xam neft məhsulları ixrac olunub.

Dövlət Gömrük Komitəsinin hesabatına əsasən, bu, 2024-cü ilin müvafiq göstəricilərini dəyər ifadəsində 37,7 faiz və ya 84,9 milyon dollar, həcm baxımından isə 64,6 faiz və ya 226,2 min ton üstələyir.

Cari ilin ilk 5 ayı ərzində ölkədən ümumilikdə 5,64 milyard dollar dəyərində 10,3 milyon tondan çox xam neft məhsulları ixrac edilib. Bu məhsul kateqoriyası üzrə idxalçı ölkələr sırasında Portuqaliya 4-cü yerdə qərarlaşıb və ixrac həcminin 5,55 faizi bu ölkənin payına düşüb.