13-15 may tarixlərində Bakıda Beynəlxalq Hava Nəqliyyatı Assosiasiyasının (IATA) Aviasiya Enerji Forumu keçiriləcək.

Bu barədə “Azərbaycan Hava Yolları” QSC-nin prezidenti Samir Rzayev sosial şəbəkə hesabında yazıb.

Bildirilib ki, Forum çərçivəsində sənayenin ən aktual prioritetləri müzakirə ediləcək, aviasiya sahəsində səmərəliliyin artırılması, innovasiyaların təşviqi və 2050-ci ilə qədər “Xalis Sıfır” emissiya (Net Zero Emissions) hədəfinə nail olunması istiqamətində fikir mübadiləsi aparılacaq.

Foruma 50-dən çox ölkənin, 60-dan çox aviaşirkətin nümayəndələri və 550-dən çox iştirakçı qatılacaq.