Martın 6-da “LEF network Azerbaijan” layihəsi çərçivəsində Bakıda yerli sahibkarların Latviya, Estoniya və Finlandiya şirkətləri ilə B2B görüşləri təşkil olunacaq.

Alman-Azərbaycan Ticarət Palatasının (AHK Azərbaycan) məlumatına görə, Palatanın dəstəyi ilə keçiriləcək tədbir yuxarıda adları çəkilən ölkələrin beynəlxalq şirkətləri ilə tərəfdaşlıq əlaqələrinin qurulmasına, yeni biznes imkanlarının araşdırılmasına və gələcək əməkdaşlığın stimullaşdırılmasına imkan yaradacaq.

Görüşlərin tematik bölmələri əsasən enerji, səhiyyə, istehsalat, logistika, informasiya texnologiyaları, konsaltinq və digər sahələri əhatə edəcək.