19 May 2024

VERGİLƏR

SOSİAL-İQTİSADİ ONLAYN QƏZET

Turşsu qəsəbəsində ilk mərhələdə 50 evin inşası nəzərdə tutulur

Şuşa rayonunun Turşsu qəsəbəsində birinci mərhələdə 50 ev inşa olunacaq. Ümumilikdə isə qəsəbədə 353 evin tikintisi nəzərdə tutulur.

Layihə rəhbəri Elnur Abdullayev bildirib ki, Şuşa rayonu inzibati ərazisinə daxil olan Turşsu qəsəbəsi Kiçik Qafqazın Sarıbaba silsiləsinin Kiçik Kirs dağı ətəyində, dəniz səviyyəsindən 1938 metr hündürlükdə yerləşir. Yenidənqurma layihəsinə əsasən, Turşu qəsəbəsinin ümumi sahəsi 126,46 hektar olacaq. Birinci mərhələdə 79,37 hektar sahədə yenidənqurma işləri aparılacaq. Qəsəbəyə ilkin mərhələdə 50 ailə və ya 202 nəfər köçürüləcək.

Evlərin 3-ü ikiotaqlı, 29-u üçotaqlı, 12-si dördotaqlı, 6-sı beşotaqlı olacaq. Qəsəbədə fərdi evlərlə yanaşı, məktəb, uşaq bağçası, tibb məntəqəsi, inzibati bina və digər obyektlərin də tikintisi nəzərdə tutulub. Hazırda ərazidə tikinti meydançalarının və yolların genişləndirilməsi işləri həyata keçirilir. Bu il Turşsu sakinlərinin doğma yurdlarına qayıdışı nəzərdə tutulur.

Turşsu qəsəbəsi Qarabağın turizm potensialı ilə seçilən guşələrindəndir. Saf dağ iqlimi, Zarıslı çayının kənarında yerləşməsi, yaxınlıqda mineral tərkibli Turşsu bulağının olması gələcəkdə buranın turizm məkanı kimi şöhrət tapacağına zəmin yaradır. Odur ki, qəsəbədə yaşayış massivi ilə yanaşı, turizm zonasının (kurort zonasının) da layihələndirilməsi planlaşdırılır.

AZƏRTAC

VergiHüquqi şəxsin ünvan dəyişikliyi VergiƏfqanıstan müharibəsi veteranının həyat yoldaşına vergi güzəşti tətbiq olunurmu? Vergiİpoteka ilə alınan daşınmaz əmlaka görə ƏDV-nin geri qaytarılması VergiRepetitorluq xidməti göstərən fiziki şəxs vergi uçotuna necə alınır? VergiXarici ölkədə ödənilmiş vergilər Azərbaycanda nəzərə alınırmı? VergiFiziki şəxsin vergi orqanında uçota alınması vaxtı VergiQeyri-sahibkarlıq fəaliyyətindən əldə edilmiş gəlirlər hansılardır? VergiHansı halda xaricdə əldə olunan gəlirlərə görə vergi öhdəliyi yaranmır? VergiXarici ölkədə gəlir əldə edən şəxs VÖEN almalıdırmı? VergiXaricdə əldə edilən gəlirlərin vergiyə cəlb olunması