Azərbaycan gələcək enerji keçidinin formalaşmasında aparıcı rol oynayır.

Bu barədə “Azərbaycan iqtisadiyyatı” Teleqram kanalına “Boston Consulting Group”un (BCG) idarəedici direktoru və baş tərəfdaşı Maykl Rinqel bildirib.

Onun sözlərinə görə, hökumətlər cəmiyyət üçün açıq imkanlar yaradılmasında inanılmaz dərəcədə mühüm rol oynayırlar. Bu, innovasiyaların inkişafına imkan yaradır, onları dəstəkləyir və stimul verir.

"Azərbaycan innovativ texnologiyalar sahəsində mühüm işlər görüb. Ölkədə innovasiyaları dəstəkləyən, həqiqətən güclü normativ baza var. Bundan sonra hökumət də müəyyən sahələrdə yenilikləri stimullaşdıra bilər", - ekspert qeyd edib.

Onun sözlərinə görə, gələcək enerji keçidi istiqamətində Bakının rolu çox böyükdür: “Bəli, biz bu gün mövcud vasitələrdən istifadə etməklə enerjini təmin etməliyik, lakin biz gələcək üçün enerjini yeni üsullarla təmin etməliyik. Biz innovasiyaları stimullaşdıra bilərik və bunda hökumətin rolu əsasdır".

Tamilla MƏMMƏDOVA