İlin əvvəlindən Xantı-Mansiyskdən (Rusiya Federasiyasının Tümen vilayəti) Azərbaycana 14,3 min kubmetr ağac məmulatı idxal edilib.

"vergiler.az" Rusiyanın Baytarlıq və Fitosanitar Nəzarəti üzrə Federal Xidmətinə ("Rosselxoznadzor") istinadən xəbər verir ki, məhsullar alıcı ölkənin tələblərinə cavab verib, onların keyfiyyəti və təhlükəsizliyi akkreditə olunmuş laboratoriyaların sınaqları ilə təsdiqlənib.

Ümumilikdə ilin əvvəlindən Xantı-Mansiysk ərazisindən xarici bazarlara 338,4 min kubmetr ağac məmulatı göndərilib. Məhsulun əsas hissəsi Çin (127,28 min kubmetr), Özbəkistan (119,22 min kubmetr), Qazaxıstan (66,8 min kubmetr) və Azərbaycana (14,3 min kubmetr) tədarük edilib. Qalan hissə isə Tacikistan, Türkmənistan, Qırğızıstan və Əfqanıstana (10,8 min kubmetr) yola salınıb.