Bu ilin yanvar-iyul aylarında ölkənin sığorta bazarı üzrə 761,8 milyon manat sığorta haqları yığılıb ki, bu da 2022-ci ilin eyni dövrünün göstəricisini 31,2 faiz üstələyir.

“vergiler.az”ın Azərbaycan Mərkəzi Bankının hesabatı əsasında apardığı hesablamalara görə, cari ilin ilk 7 ayı ərzində sığorta şirkətləri tərəfindən həyata keçirilən ödənişlərin məbləği bir il öncəki yanvar-iyul ayına nisbətdə 17,4 faiz artaraq 282,98 milyon manat təşkil edib.

7 ay ərzində sığorta bazarında toplanmış hər 100 manat sığorta haqqına 37,1 manat ödəniş düşüb. Ötən ilin eyni dövründə bu göstərici 41,5 manat olub.