Bu ilin yanvar-iyun aylarında Azərbaycanın Lüksemburq ilə ticarət dövriyyəsinin ümumi həcmi 6,1 milyon ABŞ dolları və ya 31,9 faiz artaraq 25,3 milyon dolları ötüb.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, cari ilin ilk 6 ayında Azərbaycandan Lüksemburqa 23,2 milyon dollar dəyərində məhsul ixrac edilib ki, bu da 2022-ci ilin eyni göstəricisindən 6,5 milyon dollar və ya 39 faiz çoxdur.

Lüksemburqdan Azərbaycana idxal edilən məhsulların dəyəri isə 15,8 faiz və ya 391,14 min dollar azalaraq 2 milyon dollar təşkil edib.

Cari ilin ilk yarımilliyinin nəticələrinə görə, ölkənin ümumi ticarət dövriyyəsində Lüksemburq ilə ticarətin payı 0,09 faiz təşkil edib ki, bu da bir il əvvəlki eyni göstəricidən 0,02 faiz bəndi çoxdur.