Bu ilin yanvar-fevral aylarında dəniz nəqliyyatı ilə daşınan yüklərin həcmi 1098,9 min ton təşkil edib ki, bu da əvvəlki ilin müvafiq dövrünə nisbətən 19,2 faiz çoxdur.

“vergiler.az” Dövlət Statistika Komitəsinin hesabatına istinadən xəbər verir ki, yüklərin 57,1 faizini neft yükləri təşkil edib.

Dəniz limanları tərəfindən 1591,6 min ton həcmində yükləmə-boşaltma işləri həyata keçirilib və yüklərin 1316,2 min tonu və ya 82,7 faizi tranzit yüklər olub. 2023-cü il mart ayının 1-i vəziyyətinə limanlarda qalan yüklərin həcmi 60,2 min ton təşkil edib.

Dövr ərzində bu nəqliyyat növü ilə daşınan sərnişinlərin sayı 2022-ci ilin müvafiq dövrünə nisbətən 2 dəfə artaraq 2,8 min nəfər olub.