27 Yanvar 2022

VERGİLƏR

SOSİAL-İQTİSADİ ONLAYN QƏZET

Azərbaycanla Özbəkistanın qarşılıqlı ticarət dövriyyəsi 13 faiz artıb

Dünyanı cənginə almış COVID-19 bəlası insanların sağlamlığına və dünya iqtisadiyyatına mənfi təsirlərini göstərməkdə davam edir. Buna baxmayaraq, pandemiya dövründə, ötən il Azərbaycan və Özbəkistan arasında qarşılıqlı ticarət dövriyyəsi 13 faiz artaraq 80 milyon ABŞ dollarına çatıb.

Bu barədə Özbəkistanın Azərbaycandakı səfiri Bahrom Əşrəfxanov “Caspian Energy Club”un təşkil etdiyi “Online B2G Forum”da çıxış edərkən deyib.

Səfir bildirib ki, ümumilikdə son 3 ildə iki ölkə arasında ticarət dövriyyəsi üç dəfə artıb.

“Özbəkistan Azərbaycanı MDB məkanında perspektivli ticarət və iqtisadi tərəfdaşı kimi qəbul edir və biz bu qarşılıqlı əməkdaşlığın geniş miqyasda genişləndirməsinə hazırıq. Hazırda Özbəkistanda 195 Azərbaycan müəssisəsi təmsil olunur ki, bunlardan 69-u müştərək kapitallı, 126-sı 100 faiz Azərbaycan kapitalı olan müəssisədir”, - deyə o qeyd edib.