Bu ilin yanvar-aprel aylarında ölkədə 293 ədəd traktor istehsal olunub.
"vergiler.az"ın Dövlət Statistika Komitəsinin hesabatı əsasında apardığı hesablamalara görə, ötən ilin eyni dövrünün göstəricisi ilə müqayisədə traktor istehsalı 73,4 faiz və ya 124 ədəd artıb.
Cari ilin mart ayı ilə müqayisədə isə apreldə artım 1,5 faiz təşkil edib. Aprel ayında ölkədə 65 traktor istehsal olunub. May ayının 1-nə hazır məhsul ehtiyatı 13 traktor təşkil edib.
Qeyd edək ki, 2022-ci ildə ölkədə 588 traktor istehsal olunub.