Bu ilin yanvar-fevral ayları ərzində “Azəri-Çıraq-Günəşli” (AÇG) yatağı üzrə əldə olunan gəlir 1 324 milyon ABŞ dolları təşkil edib.
“vergiler.az”ın Azərbaycan Respublikası Dövlət Neft Fondunun hesabatı əsasında apardığı hesablamalara görə, bu, 2022-ci ilin eyni göstəricisi ilə müqayisədə 17 milyon dollar və ya 1,3 faiz çoxdur.
Hesabat dövründə "Şahdəniz" yatağı üzrə qaz və kondensat satışından əldə olunan gəlirin həcmi illik ifadədə 2,3 dəfədən çox və ya 307 194 milyon dollar artaraq 534 751 milyon dollar təşkil edib.
O cümlədən cari ilin ilk iki ayında "Şahdəniz" yatağı üzrə kondensatın satışından 58 069 milyon dollar əldə olunub ki, bu, 2022-ci ilin yanvar-fevral aylarının göstəricisinə nisbətdə 2,6 dəfə və ya 35 897 milyon dollar çoxdur.