25-26 fevral tarixlərində paytaxtda “Kənddən şəhərə” həftəsonu yarmarkaları keçiriləcək. Yarmarkalarda 56 regiondan 72 fermer iştirak edəcək.
Kənd Təsərrüfatı Nazirliyindən “vergiler.az”a verilən məlumata görə, yarmarkalarda 80-ə yaxın çeşiddə kənd təsərrüfatı və qida məhsulları satışa çıxarılacaq.
“Kənddən şəhərə” həftəsonu yarmarkaları Nərimanov rayonu, Fətəli xan Xoyski küçəsi, 5 (“Gənclik” metrostansiyasının yanı) və Binəqədi rayonu, Süleyman Sani Axundov küçəsi, 5B (“İnqilab” kinoteatrının yanı) ünvanlarında təşkil olunacaq.