16-17 fevral tarixlərində Bakıda “Agro Business Forum Azerbaijan–2023” forum-sərgisi keçiriləcək.
“vergiler.az” Kiçik və Orta Biznes Subyektləri və Klublarının Assosiasiyasının (KOBSKA) yaydığı məlumata istinadən xəbər verir ki, 1300 kvadratmetrlik sahəni əhatə edəcək forum-sərginin Davos formatında keçiriləcək forum hissəsində 250 nəfər izləyicinin iştirakı, sərgi hissəsində isə 45 stendin yerləşdirilməsi nəzərdə tutulub.
6 paneldən ibarət forum-sərgidə B2B, B2C və B2G görüşlər keçiriləcək.
Sərginin keçirilməsində əsas məqsəd kənd təsərrüfatı sahəsində fəaliyyət göstərən mikro, kiçik və orta sahibkarlıq subyektlərinin satış imkanlarının artırılmasıdır.
Forum-sərgidə Azərbaycan, İsrail, Rusiya, Almaniya, Fransa, Pakistan, Özbəkistan, Qazaxıstan, Macarıstan nümayəndələrinin və 10-dan çox türk şirkətinin iştirakı gözlənilir.