Əmanətlərin Sığortalanması Fondu “NBC Bank”a borc öhdəliyi olanlara müraciət edib

2020.06.02 18:18 (UTC+04:00)

Əmanətlərin Sığortalanması Fondu (ADIF) ləğv prosesindəki “NBC Bank” ASC-yə borc öhdəliyi olan hüquqi və fiziki şəxslərə müraciət edib.
ADIF-dən AZƏRTAC-a bildirilib ki, Bakı Apellyasiya Məhkəməsinin 2020-ci il 14 may tarixli qərarı ilə “NBC Bank” ASC müflis elan edilib və iflas proseduruna başlanıb. Eyni qərarla Əmanətlərin Sığortalanması Fondu bankın ləğvedicisi təyin edilib.
Bununla əlaqədar olaraq Əmanətlərin Sığortalanması Fondu müflis elan edilmiş “NBC Bank” ASC qarşısında borc öhdəliyi (kreditləri) olan hüquqi və fiziki şəxsləri məlumatlandıraraq bildirir ki, ödənişlərini köçürmə yolu ilə ləğv prosesində olan (LPO) “NBC Bank” ASC-nin Azərbaycan Respublikası Mərkəzi Bankında açılmış xüsusi ləğvetmə hesabları vasitəsilə, nağd qaydada isə LPO “NBC Bank” ASC-nin baş ofisi (Bakı şəhəri üzrə) və filial şəbəkəsi (Bakı istisna olmaqla şəhər və rayonlar üzrə) vasitəsilə həyata keçirə bilərlər.
LPO “NBC Bank” ASC, VÖEN 1700130681
Mərkəzi Bank, VÖEN 9900071001
SWIFT.BIK (AZN) NABZAZ 2C
SWIFT.BIK (xarici valyuta) NABZAZ 2X
Kod 501004
Müxbir hesab AZN AZ74NABZ01451700000000001944AZN
Hesablaşma hesabı AZN AZ97NABZ01350100000000062944AZN
Müxbir hesab EUR AZ58NABZ01452800000000007954EUR
Hesablaşma hesabı EUR AZ79NABZ01350200000000061954EUR
Müxbir hesab USD AZ51NABZ01452800000000015840USD
Hesablaşma hesabı USD AZ82NABZ01350200000000063840USD
LPO “NBC Bank” ASC-yə borcu olan şəxslər borclarının ödənilməsinə dair əlavə məlumat əldə etmək üçün aşağıdakı ünvana müraciət edə bilərlər: Bakı şəhəri, Nərimanov rayonu, Müzəffər Nərimanov küçəsi, məhəllə 2054, ləğv prosesində olan “NBC Bank” ASC-nin baş ofisi. Əlavə məlumat üçün əlaqə nömrəsi: 932.