Birinci rübdə 374,6 milyon kilovat/saat elektrik enerjisi ixrac olunub

2020.04.15 15:47 (UTC+04:00)

Yanvar-mart aylarında ölkədən 374,6 milyon kilovat/saat elektrik enerjisi ixrac edilib.

Dövlət Gömrük Komitəsindən (DGK) bildirilib ki, ixrac edilən elektrik enerjisinin dəyəri 17,8 milyon ABŞ dolları olub.

Xatırladaq ki, 2019-cu ilin ilk 3 ayında Azərbaycandan 891,2 milyon kilovat/saat elektrik enerjisi ixrac olunmuş, həmin ixracın dəyəri isə 38,4 milyon dollar təşkil etmişdi.