Cari ilin yanvar-fevral aylarında Azərbaycanda 4 milyard 355,9 milyon kilovat/saat elektrik enerjisi istehsal edilib. Ondan əmtəəlik 4 milyard 225,5 milyon kilovat/saat elektrik enerjisi alınıb.
Dövlət Statistika Komitəsindən bildirilib ki, həmin həcmin 4 milyard 79,4 milyon kilovat/saatı istilik, 124,4 milyon kilovat/saatı su, 4,7 milyon kilovat/saatı günəş, 17 milyon kilovat/saatı isə külək elektrik stansiyalarında istehsal olunub.