Qlobal neft tələbatında gündəlik 4 milyon barel azalma ola bilər. ABŞ-ın qabaqcıl investisiya banklarından olan "Goldman Sachs" bu proqnozla çıxış edib. "Goldman Sachs"a görə, koronavirusla bağlı Çində və qlobal miqyasda neft tələbatı əhəmiyyətli dərəcədə azalıb və bunun nə qədər davam edəcəyi qeyri-müəyyəndir. Həmçinin "OPEC+" ölkələrinin neft hasilatını azaldacağına dair qeyri-müəyyənlik də davam etməkdədir.
Beynəlxalq enerji təşkilatlarının proqnozuna əsasən, cari ildə qlobal neft tələbatının sutkada 100-101 milyon barel olacağı gözlənilir.