Vergi xidməti işçiləri medallarla təltif edilib

2020.02.11 15:54 (UTC+04:00)

AZƏRTAC xəbər verir ki, Prezident İlham Əliyev "Azərbaycan Respublikasının İqtisadiyyat Nazirliyi yanında Dövlət Vergi Xidmətinin işçilərinin təltif edilməsi haqqında" Sərəncam imzalayıb.

Sərəncama əsasən, vergi xidməti işçilərinin peşə bayramı günü ilə əlaqədar Dövlət Vergi Xidmətinin üç əməkdaşı 3-cü dərəcəli "Vətənə xidmətə görə" ordeni, iki nəfər 1-ci dərəcəli "Vergi orqanlarında xidmətdə fərqlənməyə görə" medalı, iki nəfər 2-ci dərəcəli "Vergi orqanlarında xidmətdə fərqlənməyə görə" medalı, 25 nəfər 3-cü dərəcəli "Vergi orqanlarında xidmətdə fərqlənməyə görə" medalı, 7 nəfər "Dövlət qulluğunda fərqlənməyə görə" medalı, 4 nəfər "Tərəqqi" medalı ilə təltif edilib.