Ötən il Azərbaycanda 6,1 milyon ton neft emal olunub

2020.01.24 14:01 (UTC+04:00)

2019-cu il ərzində ölkədə 6 milyon 192 min ton neft emal edilib. Neftin emalı əvvəlki illə müqayisədə 104 min ton çox olub. Bu barədə Energetika Nazirliyinin hesabatında deyilir.
Qeyd edək ki, hazırda SOCAR-ın Heydər Əliyev adına neft emalı zavodunun (NEZ) modernləşdirilməsi işləri görülür. Layihə çərçivəsində həyata keçirilən işlər nəticəsində 2021-2022-ci illərdə Azərbaycanda "Avro-5" standartına cavab verən dizel və benzin yanacaqlarının istehsal olunması nəzərdə tutulur. 2024-2025-ci illərdə isə istehsalat həcminin 7,5 milyon tonadək artırılması istiqamətində aparılan işlərin başa çatdırılması planlaşdırılır.

Heydər Əliyev adına NEZ regionun yeganə neft emalı kompleksidir və Azərbaycanın yanacağa olan tələbatının əsas hissəsini təmin edir. Zavodda 15 adda neft məhsulu, o cümlədən avtomobil benzini, təyyarə yanacağı, dizel yanacağı, mazut, neft koksu və sair istehsal olunur.