Bankların rəhbər şəxsləri üçün seminar təşkil edilib

2019.12.07 14:58 (UTC+04:00)

Dekabrın 6-da Mərkəzi Bankın və Azərbaycan Banklar Assosiasiyasının (ABA) birgə təşkilatçılığı ilə SWIFT təşkilatının ekspertləri tərəfindən bankların ödəniş və hesablaşmalar sahəsinə rəhbərlik edən şəxsləri üçün seminar keçirilib. ABA-dan bildirilib ki, interaktiv formada keçirilmiş seminar maliyyə sistemində universal standart olan ISO 20022 standartının tətbiqi ilə bağlı məsələlərini əhatə edib.

Qeyd edək ki, "2018–2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı" çərçivəsində 2019-2020-ci illəri əhatə edən dövr ərzində Mərkəzi Bank tərəfindən icrası nəzərdə tutulmuş tədbirlərdən biri "İstifadəçidən istifadəçiyə əməliyyat proseslərini avtomatlaşdırmağa imkan verən maliyyə sisteminin universal mübadilə standartlarının (ISO20022) tətbiqi üçün tədbirlər planının hazırlanması"dır.