Azərbaycan və Rusiya arasında əməkdaşlıq məsələləri müzakirə olunub

2019.11.21 14:34 (UTC+04:00)

Azərbaycan və Rusiya gəmiqayırma, kənd təsərrüfatı maşınqayırması və əczaçılıq sənayesi sahəsində əməkdaşlıq məsələlərini müzakirə ediblər. Müzakirələr Azərbaycanın İqtisadiyyat naziri Mikayıl Cabbarov ilə Rusiyanın Sənaye və Ticarət naziri Denis Manturov arasında keçirilən görüşdə aparılıb. Görüşdə Rusiya ilə Azərbaycan arasında sənaye sahəsindəki əməkdaşlığın vacib sahələrindən biri kimi avtomobilqayırma və vaqonqayırma sahəsi fərqləndirilib: "O cümlədən Gəncə Avtomobil Zavodu ilə birgə həyata keçirilən KAMAZ avtomobillərinin yığımı layihəsi uğurla inkişaf edir. Aviatikinti sahəsində əsas layihə Azərbaycanda "Mi" tipli helikopterlərə texniki xidmətin göstərilməsi və onların təmiri üzrə xidmət mərkəzinin yaradılmasıdır".

Bu ilin yanvar-sentyabr aylarının nəticələrinə görə, Rusiya və Azərbaycan arasındakı ticarət dövriyyəsi 25 faizdən çox artaraq 2,2 milyard dollar təşkil edib, Rusiyadan Azərbaycana ixrac isə 30 faizdən çox artaraq 1,6 milyard dollara çatıb.