Vergi orqanlarında könüllü fəaliyyətlə əlaqədar təlimlər keçirilir

18-22 noyabr 2019-cu il tarixlərində ümumilikdə 41 nəfər könüllünün iştirakı ilə Vergilər Nazirliyinin Tədris Mərkəzində təlimlər təşkil olunmuşdur. Təlimlər aşağıdakı mövzular üzrə keçirilir:

• Azərbaycan Respublikası Vergilər Nazirliyinin fəaliyyətinin əsasları (Azərbaycan Respublikasının Vergilər Nazirliyi haqqında Əsasnamə. Dövlət vergi orqanlarında xidmət haqqında Əsasnamə). Dövlət vergi orqanları, onların hüquq və vəzifələri;

• Dövlət vergi orqanları əməkdaşlarının etik davranış məsələləri. Daxili xidməti intizam və məsuliyyət məsələləri;

• Vergi orqanlarında məlumat təhlükəsizliyi;

• Könüllü fəaliyyətin məqsədi və motivasiya.

Təlimlərin son günündə könüllülər üçün imtahanın keçirilməsi nəzərdə tutulmuşdur.