Cari ilin yanvar-avqust aylarında Azərbaycan Gürcüstana 37 milyon 772,6 min ABŞ dolları dəyərində elektrik enerjisi ixrac edib. Bu barədə Gürcüstan Milli Statistika İdarəsi məlumat yayıb. Bildirilir ki, 8 ayda Gürcüstanın Azərbaycandan idxal etdiyi elektrik enerjisinin dəyəri ötən ilin eyni dövrü ilə müqayisədə 24,5 faiz çoxdur. Gürcüstan Elektrik Enerjisi Kommersiya Operatorunun hesabatına görə, bu ilin yanvar-avqust aylarında Gürcüstan Azərbaycandan 760,53 milyon kilovat/saat elektrik enerjisi idxal edib.