"Azərbaycanla Tacikistan arasında qarşılıqlı təcrübə mübadiləsinin həyata keçirilməsi mühüm əhəmiyyətə malikdir". Bunu Azərbaycan-Tacikistan aqrobiznes forumunda Kənd Təsərrüfatı nazirinin müavini İlham Quliyev deyib. Bildirib ki, iki ölkə idxal-ixrac əməliyyatlarının həcmini artırmaq istiqamətində çalışmalıdır: "Tacikistanda elə məhsullar ola bilər ki, Azərbaycana idxalı, Azərbaycanda elə məhsullar ola bilər ki, Tacikistana ixracı əhəmiyyətli ola bilər. Həmin məhsulları müəyyən etmək lazımdır".
Nazir müavini həmçinin Azərbaycanda aqrar sektorun inkişaf etdiyini, bu ilin I yarısında bu sahədə 13 faiz artım olduğunu, hökumətin kənd təsərrüfatının inkişafına böyük diqqət göstərdiyini qeyd edib.