Bu ilin yanvar-iyul aylarında Şimal-Cənub Dəhlizi ilə tranzit yük daşımaların həcmində ötən ilin eyni dövrü ilə müqayisədə 25% artım qeydə alınıb.
“Azərbaycan Dəmir Yolları” QSC-nin məlumatına görə, bu ilin yanvar-iyul aylarında Şimal-Cənub beynəlxalq nəqliyyat dəhlizi ilə 434 min 651 ton tranzit yük daşınıb.
Tranzit yüklər dəhlizin Azərbaycandan keçən Astara-Yalama və Yalama-Astara istiqamətləri üzrə daşınıb.